Psa 66 | LXX | STEP | Εἰς τὸ τέλος· ᾠδὴ ψαλμοῦ· αναστασεως Ἀλαλάξατε τῷ θεῷ, πᾶσα ἡ γῆ,

Psalms 66

1 ^{▼▼LXX: Psa.65:1}Εἰς τὸ τέλος· ᾠδὴ ψαλμοῦ· αναστασεως Ἀλαλάξατε τῷ θεῷ, πᾶσα ἡ γῆ, 2 ^{▼▼LXX: Psa.65:2}ψάλατε δὴ τῷ ὀνόματι αὐτοῦ, δότε δόξαν αἰνέσει αὐτοῦ. 3 ^{▼▼LXX: Psa.65:3}εἴπατε τῷ θεῷ Ὡς φοβερὰ τὰ ἔργα σου· ἐν τῷ πλήθει τῆς δυνάμεώς σου· ψεύσονταί σε οἱ ἐχθροί σου 4 ^{▼▼LXX: Psa.65:4}πᾶσα ἡ γῆ προσκυνησάτωσάν σοι, καὶ ψαλάτωσάν σοι ψαλάτωσαν τῷ ὀνόματί σου. διάψαλμα. 5 ^{▼▼LXX: Psa.65:5}δεῦτε καὶ ἴδετε τὰ ἔργα τοῦ θεοῦ· φοβερὸς ἐν βουλαῖς ὑπὲρ τοὺς υἱοὺς τῶν ἀνθρώπων, 6 ^{▼▼LXX: Psa.65:6}ὁ μεταστρέφων τὴν θάλασσαν εἰς ξηράν, ἐν ποταμῷ διελεύσονται ποδί. ἐκεῖ εὐφρανθησόμεθα ἐπ' αὐτῷ, 7 ^{▼▼LXX: Psa.65:7}τῷ δεσπόζοντι ἐν τῇ δυναστείᾳ αὐτοῦ τοῦ αἰῶνος· οἱ ὀφθαλμοὶ αὐτοῦ ἐπὶ τὰ ἔθνη ἐπιβλέπουσιν, οἱ παραπικραίνοντες μὴ ὑψούσθωσαν ἐν ἑαυτοῖς. διάψαλμα. 8 ^{▼▼LXX: Psa.65:8}εὐλογεῖτε, ἔθνη, τὸν θεὸν ἡμῶν καὶ ἀκουτίσασθε τὴν φωνὴν τῆς αἰνέσεως αὐτοῦ, 9 ^{▼▼LXX: Psa.65:9}τοῦ θεμένου τὴν ψυχήν μου. εἰς ζωὴν καὶ μὴ δόντος εἰς σάλον τοὺς πόδας μου 10 ^{▼▼LXX: Psa.65:10}ὅτι ἐδοκίμασας ἡμᾶς, ὁ θεός, ἐπύρωσας ἡμᾶς, ὡς πυροῦται τὸ ἀργύριον· 11 ^{▼▼LXX: Psa.65:11}εἰσήγαγες ἡμᾶς εἰς τὴν παγίδα, ἔθου θλίψεις ἐπὶ τὸν νῶτον ἡμῶν. 12 ^{▼▼LXX: Psa.65:12}ἐπεβίβασας ἀνθρώπους ἐπὶ τὰς κεφαλὰς ἡμῶν, διήλθομεν διὰ πυρὸς καὶ ὕδατος, καὶ ἐξήγαγες ἡμᾶς εἰς ἀναψυχήν. 13 ^{▼▼LXX: Psa.65:13}εἰσελεύσομαι εἰς τὸν οἶκόν σου ἐν ὁλοκαυτώμασιν, ἀποδώσω σοι τὰς εὐχάς μου, 14 ^{▼▼LXX: Psa.65:14}ἃς διέστειλεν τὰ χείλη μου· καὶ ἐλάλησεν τὸ στόμα μου ἐν τῇ θλίψει μου 15 ^{▼▼LXX: Psa.65:15}ὁλοκαυτώματα μεμυαλωμένα ἀνοίσω σοι μετὰ θυμιάματος καὶ κριῶν, ποιήσω σοι βόας μετὰ χιμάρων. διάψαλμα. 16 ^{▼▼LXX: Psa.65:16}δεῦτε ἀκούσατε καὶ διηγήσομαι, πάντες οἱ φοβούμενοι τὸν θεόν, ὅσα ἐποίησεν τῇ ψυχῇ μου. 17 ^{▼▼LXX: Psa.65:17}πρὸς αὐτὸν τῷ στόματί μου ἐκέκραξα καὶ ὕψωσα ὑπὸ τὴν γλῶσσάν μου 18 ^{▼▼LXX: Psa.65:18}Ἀδικίαν εἰ ἐθεώρουν ἐν καρδίᾳ μου, μὴ εἰσακουσάτω κύριος. 19 ^{▼▼LXX: Psa.65:19}διὰ τοῦτο εἰσήκουσέν μου. ὁ θεός, προσέσχεν τῇ φωνῇ τῆς δεήσεώς μου 20 ^{▼▼LXX: Psa.65:20}εὐλογητὸς ὁ θεός, ὃς οὐκ ἀπέστησεν τὴν προσευχήν μου καὶ τὸ ἔλεος αὐτοῦ ἀπ' ἐμοῦ.